LAOG CITY – Kinumpirmaran ti Department of Foreign affairs a dua a pilipino ti natay iti napasamak a gas explosion iti maysa a restaurant idiay Abu Dhabi, United Arab Emirates (UAE).
Immunan a naireport dagiti otoridad ti UAE a tallo nga indibidual ti pimmusay iti nasao nga insidente iti maysa a restaurant iti Sheikh Rashid Bin Seed Road, Abu Dhabi wenno iti airport road.
Rumrumuar nga adda pay dagiti Pilipino a nadangran iti nasao a panagbettak.
Kabayatanna, inpakaamo ti DFA nga agtultuloy ti pannakikoordinar ti embahada kadagiti otoridad idiay UAE tapno maikkan ti suporta dagiti Pilipino a karaman iti nasao nga insidente.
Naamoan a ti namunganayan ti panagbettak ket “misalignment in the gas container fittings following refueling.”
