LAOAG CITY – Natay ti dua a piloto gapu iti panagdinnungpar ti dua a fighter jet idiay Eastern France, idinto a maysa a co-pilot ti nairuar ken nakalasat no sadinno nga agdama a matamtaming isuna.
Segun ken ni Defense Minister Sebastien Lecornu, napasamak ti aksidente a nakairamanan ti dua a Rafale Jets iti Meurthe-et-Moselle, iti makin-laud a paset ti Strasbourg City.
Kinuna ti French Air and Space Force a nagdinnungpar ti dua nga eroplano bayat ti panagsublida manipud iti supply mission idiay Germany.
Indanon met da French President Emmanuel Macron ken Minister Sebastien Lecornu ti pakinakemda kadagiti pamilia dagiti biktima.
