LAOAG CITY – Napilaan ti kaso iti Federal Court dagiti dua a kameng iti Honolulu Police Department idiay Honolulu, Hawaii.
Nabigbig dagitoy a da John Rabago ken ni Reginald Ramones.
Segun ti report, sinita dagiti dua a pulis ti maysa nga homeless wenno awan ti masnop a pagtaengan na iti maysa a parke idiay Honolulu.
Naamoan a bayat iti panangsita dagiti nasao a pulis iti biktima ket maipagarop a pinadilpat da pay ti isbo iti comfort room iti nasao a parke.
Inbatad ni Bombo International Correspondent Manny Pascua idiay Hawaii a no mapaneknekan a guilty dagiti dua a pulis ket mabalin a mabalud da iti 10 a tawen ken agmulta da iti 350 ribo a dolyar.
Iti agdama ket nakabakasyon dagiti dua a pulis tapno saan da a maimpluwensyaan ti maiyus-uswat nga imbestigasyon kontra kadakuada.
