LAOAG CITY – Balligi ti pannakiyuswat ti drug buy-bust operation iti Barangay Vira ditoy ciudad ti Laoag babaen kadagiti kameng ti PNP-Laoag, PDEU ken PDEA.
Nabigbig ti subject ti operasyon a ni Rommel Esta Samusam, residente iti Barangay 14 ditoy ciudad ti Laoag ken caretaker iti maysa a pagtaengan iti ili ti Dumalneg.
Nakakumpiskar met kenni Samusan ti maysa a sachet a naglaon ti maipagarop a marijuana, 500 a pisos ken maysa a sachet a naglaon met laeng ti maipagarop a marijuana.
Mainaig iti daytoy, inbatad ni Samusam nga adda isuna iti ili ti Dumalneg idi napan innala dagiti otoridad gapo ta adda ti warrant na iti kaso a panagtakaw.
Inadmitir met ni Samusam nga adda ti aramid na ti panagtakaw ngem naglikudan na nga adda ti ikot na nga iligal a droga.
