LAOAG CITY – Umaboten iti 10 dagiti natay idinto a 40 dagiti nasugatan idiay Jolo, Sulu.
Daytoy ket kalpasan ti dua a nagsaruno a panagbettak iti town plaza idiay Terante Street, Barangay Walled City, Jolo, Sulu, Mindanao.
Basar iti nakalap nga impormasyon, ti maikadua a panagbettak ket 70 a metro laeng ti kaadayo na manipod iti nakapasamakan ti umuna a panagbettak.
Mainaig iti daytoy, ti nasao a plaza ket adda iti sango ti simbaan a napabettak met laeng idi Enero itay napan a tawen nu sadino a natay dagiti 20 a tattao.
Iti agdama ket agtultuloy ti imbestigasyon dagiti otoridad seknan ti nasao a panagbettak.
Developing Story.
