LAOAG CITY – Nagtalinaed dagiti dua a suspek ti panagdangran ken pammagkong iti Ilocos Norte Provincial Jail ditoy siudad ti Laoag.
Napasamak ti pammagkong iti maysa a tianggi iti Sito Dasar, Brgy. 34 Isic-Isic iti ili ti Vintar iti Pebrero 7, 2020 agarup 8:30 ti rabii.
Nag-waiver dagiti dua babaen ti probinsyon ti Art. 125 iti Revise Penal Code kalpasan a naipila ti Frustrated Murder kontra ka da Jonathan Marcelino y Infante, agtawen ti 27, addaan ti live-in partner, construction worker kenni Jessie Mata y Pagmaat, agtawen ti 28, addaan ti live-in partner ken agpada a residente iti Brgy. Manalpac iti ili ti Solsona.
Maipalagip a naaddaan ti nabara a diskusyon dagiti tallo bayat nga aggiinom da iti tianggi ken maipagarup a naapelwan dagiti dua a suspek iti biktima a ni Jasper Mabini y Ramirez, agtawen ti 32, naasawaan, construction worker ken resident iti Brgy. 6 Parut, iti ili ti Vintar.
Inbagkong ni Marcelino ti balisong iti buksit ti biktima ken bulon a dinanog pay ni Mata.
