LAOAG CITY – Dua a top 1 most wanted person iti municipal level dagiti balligi a naarestar babaen ti bileg ti warrant of arrest.
Umuna iti daytoy, naarestar idiay Cavite ti akusado a ni Dante Gato dela Cruz, agtawen ti 45, construction woker ken tubo iti Poblacion 1 iti ili ti Currimao babaen ti nagtipon a pwersa ti PNP Currimao ken ti PDEU-Special Operations Unit ken ti Trese Martires Cavite Police Station.
Ti warrant of arrest a naiparuk-at para iti pannakatiliw ni Dela Cruz ket naggapo ken ni Hon. Maria Corazon Labrador, ti presiding judge ti RTC Brach 18 ditoy siudad ti Batac gapu iti panagalungasing ti RA 9165 wenno Comprehensive Dangerous Drugs Act of 2002.
Kabayatanna, naarestar pay ti Top 1 most wanted person iti municipal level iti Sarrat a nabigbig a ni Leo Ganito Mariano, agtawen ti 36, residente iti Brgy. San Jose iti ili ti Sarrat babaen metlaeng ti bileg ti warrant of arrest nga inparuk-at ni Hon. Myra Shella Nalupta, ti presiding judge ti RTC Branch 65 ditoy siudad ti Laoag gapu iti kaso nga homicide.
Nagtalinaed dagiti akusado iti kustodyar dagiti otoridad ken manamnama a maipaima dagitoy iti korte a naggapuan ti warrant of arrest.
Nu pay kasta, nairekomendar ti 200,000 a piyansa ni dela Cruz idinto a 120,000 ken ni Mariano para iti temporayo a pannakawaya-waya dagitoy.
