LAOAG CITY – Kinondenar ni Police Lt. Col. Joseph Baltazar, ti chief of police ti Philippine National Police ditoy ciudad ti Laoag ti panagkabil iti tengnga ti kalsada dagiti dua a tricycle drivers.
Segun kenni Baltazar, nabigbig dan ti maysa kadagiti dua a dua a tricycle drivers a taga Barangay Lagui-Sail ken determinaren da pay laeng ti maysa kadagitoy.
Iti inisyal nga impormasyon, maipagarop a naginnagaw dagiti dua a tricycle drivers ti pasaheros a nangitunda ti saan da a panagkinnaawatan ken nagkabil dagitoy.
Naamoan a ti sidecar number dagiti maseknan ket 1057 ken 2490.
Inpetteg ni Baltazar a no mapaneknekan nga adda ti naglabsingan dagiti dua a driver ket mapatawan da a ti pannausa.
Mainaig iti daytoy, kuna ni Baltazar a saan kuma a kastoy ti inaramid dagiti dua a maseknan a driver nangruna ket agpada da ti pagsapulan ken nakababain daytoy.
Kabayatanna, inbatad na a kitaen da no anya ti mabalin nga addang tapno maliklikan ti kastoy a paspasamak.
