LAOAG CITY – Nagbalin a viral iti social media ti panagriri dagiti dua a tricycle driver iti paset ti Rizal St. ditoy ciudad Laoag.
Nabigbig dagitoy nga isuda Joseph Tomas y Guerrero, addaan ti umno nga edad, naasawaan ken residente iti Barangay 62-B, Navotas ken ni Marlon Salvador y Rivera, addaan ti umno a tawen, ken residente iti Barangay Nalbo ditoy ciudad,
Segun kenni Police Major Adriano Licudan, deputy chief of police ti PNP-Laoag, naginnipig dagiti dua a tricycle nga inturong dagiti dua, ken idi agpadaya kuman ni Salvador ngem kinamat ni Tomas daytoy.
Gapo iti daytoy, naddaan da ti nabara a panagsinnungbat da Salvador ken Tomas, ken idi pumanawen ni Tomas a nakalugan iti tricycle na ket inipit na ni Salvador.
Naamoan a gapo iti pungtot ni Salvador ken inbaliktad na ti tricycle ni Tomas ken napan na kinabkabil daytoy.
Mainaig iti daytoy, kuna ni Licudan nga idi adda dagiti dua iti istasyon ti pulisya ken naikkat dagiti face mask da ket narekognisar da ti tunggal maysa ken dagitoy ket agkumpadre ken naurnos met laeng ti saan da a nagkinnaawatan.
Innayon ni Licudan nga inikkan da ti citation ticket ni Tomas gapo ta nakainom ken ni Salvador mismo ti na nangted ti kwarta a pagbayad na.
