LAOAG CITY – Natiliw dagiti dua a wanted person a sumangsango iti kaso nga Attempted Homicide.
Dagiti akusado ket naarestar babaen iti nagtitipon a pwersa ti Philippine National Police- Criminal Investigation and Detection Group, Philippine National Police-Laoag, Philippine National Police-Dingras, Pasuquin Maritime LET, PIU INPPO ken PIDMU.
Ummuna a natiliw ti agtawen ti 26, awanan ti asawa ken residente iti Barangay 7 ditoy ciudad ti Laoag ken natiliw iti ili ti Dingras.
Simmaruno a natiliw iti Brgy. 19, San Marcela ditoy ciudad ti Laoag ti agtawen met laeng ti 26 ken residente iti nadakamat a barangay.
Ti warrant of arrest dagiti akusado ket inparuk-at ti Municipal Trial Court in Cities, Branch 2 Laoag City, Ilocos Norte a napetsaan ti May 19, 2023 ken narekomendaran dagitoy 36,000 a pisos a pyansa ti tunggal maysa.
