LAOAG CITY – Balligi a naarestar ti maysa a wanted person iti ili ti Paoay.
Kuna ni PMaj. Eddie Suyat, hepe ti PNP-Paoay a ti suspek ket lalaki nga agtawen ti 40, awanan asawa, laborer ken residente iti Brgy. 20-Paratong iti nasao nga ili.
Segun ken ni Suyat, nabayag a naglemlemmeng ti suspek agsipod ta idi 2009 pay laeng a naiserbi ti warrant of arrest ni Galapia.
Daytoy ket kalpasan ti a nagsalungasing iti PD 1186 wenno ti iligal a panagikot ti armas.
Inbatad ni Suyat a ti nasao a warrant of arrest ket inparuk-at ni Hon. Artemio Quidala Jr., ti presiding judge ti MCTC Branch ti Paoay-Currimao.
Kabayatanna, nairekomendar ti 60,000 a pisos a piyansa ti suspek para iti temporaryo a pannakawaya-waya na.
Nu pay kasta, nagtalinaed daytoy iti kustodyar ti PNP-Paoay ken manamnama a maiturn-over iti korte a naggapuan ti warrant of arrest.
Kabayatanna, naarestar met ti maysa pay a wanted person a lalaki, agtawen ti 61, balo ken residente iti Brgy. 27 ditoy siudad ti Laoag babaen ti bileg ti warrant of arrest.
Ti nasao a warrant of arrest ket inparuk-at ni Hon. Judge Jonathan Asuncion iti MTCC branch 2 ditoy siudad ken napetsaan ti Hulyo 10, 2018 gapu iti kaso a panagtatakaw.
Nagtalinaed iti kustodyar ti PNP-Laoag ti suspek para iti naan-anay a dokumentasyon ken manamnama a maisubli iti korte a naggapuan ti warrant of arrest.
Kabayatanna, nairekomendar ti 10,000 a piyansa ti suspek para iti temporaryo a pannakawaya-waya na.