LAOAG CITY – Balligi a natiliw ti PNP-Loag dagiti dua a babbai a maipagarop a miembro ti budol-budol kalpasan a napan nagreport ti nabiktima da.
Nabigbig dagitoy a da Rizalyn Estreler Fernandez, agtawen ti 35, awanan ti asawa kenni Zoraida Nayo Balayo, agtawen ti 42, agpada a residente iti Barangay Laset Grande, Dagupan City.
Basar ti imbestigasyon, nagkikita dagiti suspek ken biktima a ni Eden Martinez iti Barangay 16 ken nagsaludsod dagitoy no sadinno ti paggatangan ti herbal medicine agingga nga inimbitaran da ti biktima a mapan iti panganan ken nagturong da iti Catheral.
Naamoan a minandar ti suspek ti biktima a mapan na ipawnshop dagiti alahas na ngem ibati na dagiti bukod na nga alahas a maipagarop nga “assurance” tapno agsubli ti biktima.
Gapo iti daytoy, idi nagturong ti biktima iti pawnshop ket naduktalan na a peke dagiti alahas ken idi agsubli iti Cathedral ket awanen dagiti nasao a suspek.
Naitaray dagiti nadakamat a suspek dagiti nagduduma nga alahas ti biktima nga agbalor ti 56 a ribo a pisos.
Dagus met a nagreport ti biktima iti PNP-Laoag kalpasan a nagsubli iti panunut na ken nadiskubre na a nabiktima ti budol-budol.
