LAOAG CITY – Tiniliw dagiti kameng ti PNP-Laoag ken Philippine Drug Enforcement Agency (PDEA) ti dua a baro iti naiyuswat a drug buy bust operation ditoy ciudad ti Laoag.
Nabigbig daytoy a ni John Perry Tejano Hernando, agtawen ti 25, awanan ti asawa ken residente iti Barangay 18 iti nasao a ciudad ken ni Joshua Vincent Tomas Villanueva, agtawen ti 22, awanan ti asawa ken residente iti Barangay 12 iti nadamakat a ciudad.
Naarestar dagitoy gapo ti panaglako da maysa a bassit a plastic sachet a naglaon ti maipagarop a shabu nga agbalor ti sangaribo a pisos iti nagpammarang a police posuer buyer.
Nakumpiskar pay ti maysa a coin purse a naglaon ti plastic sachet a naglaon ti maatap a shabu, maysa nga elongated plastic sachet a naglaon ti shabu residue ken dadduma pay a kagamitan dagiti suspek a pakairamanan ti motorsiklo.
Basar kadagiti suspek, saan da a naglako no diket agawid da kuman ngem sinada dagiti otoridad ken ditoy a maipagarop a minulaan da ti iligal a droga.
Nupay kasta, inpetteng dagiti otoridad a mapilaan dagiti nasao a suspek ti kaso mainaig ti iligal a droga.
