LAOAG CITY – Nairekord ti Ilocos Norte Police Provincial Office dagiti dua nga insidente ti panagbekkel iti ili ti Bacarra ken Banna.
Immuna a napasamak ti panagbekkel iti Sitio San Jose, Brgy. Valdez iti ili ti Banna.
Kinumpirmaran ni Police Captain Norman Pentang, hepe ti PNP Banna, ti biktma ket maysa a babai, agtawen ti 45 ken residente iti nasao a lugar.
Basar iti imbestigasyon, naldaw ti mister nga awan ti asawa na rason a nagpatulong kadagiti ospiyal ti barangay idi Disyembre 22.
Iti kabigatan ti Disyembre 23, ket nakita ti maysa a barangay kagawad ti nasao a biktima a nakabitin iti maysa a poon ti Damortis nga agtayag iti 25 a kapadan.
Nupay kasta, awan ti nakita a foul play iti insidente.
Rumrumwar a maipagarup a depresyon wenno sakit ti makitkita a rason a nagbekkel ti biktima.
Kabayatanna, kinumpirmaran ni Police Captain Dionisio Baldillo, hepe ti PNP Bacarra, a nagbekkel ti maysa a mannalon nga agtawen ti 51.
Kuna na a nabirokan ti bangkay na a nakabitin iti maysa a poon ti kayo nga asideg iti Bislak River iti paset ti pagtatalonan idi malem kalman.
Rumrumwar a maipagarup met a depresyon wenno problema iti pamilya ti rason a nagpakamatay ti biktima.
