LAOAG CITY – Agtultuloy ti imbestigasyon dagiti kameng ti PNP San Nicolas seknan iti pannakatay dagiti dua nga individual gapo iti napasamak a road crash incident iti manila north road a paset ti brgy 16 san marcos iti ili ti san nicolas.
Segun kenni Pol Maj Eduardo Santos, ti mangidadaulo ti PNP San Nicolas a ti nasao nga aksidente ket pakairamanan iti maysa nga motorsiklo ken taxi a napasamak iti oras ti 11:50 itay Disyembre 31, 2022.
Binigbig ni Pol major santos, ti nangiturong iti motorsiklo a Euro Marvel 125 nga agmaris t nangisit a ni Michael Ronnie Miguel y dela Cruz, agtawen ti 31, residente ti brgy Aguitap iti ili ti solsona ken iti lubbon na a saan pay a mabigbig iti kinasiasino na bayat nga iti nangiturong iti toyota vios nga addaan t plate number a UWE 952 ket inturong ni Roderick Bareng y Campaniano, 45, maysa a businessman, residente t brgy 55b salet, laoag city ken ti lubbon na a ni Evencio bernales y santacotan, agtawen ti 60 maysa a taxi driver, naasawaan, residente iti Santa Mesa, Sampaloc Manila.
Basar iti imbestigasyon ti PNP san nicolas, kabayatan nga agpaamianan ti Taxi ket kelaat a nagpadaya a dereksiyon iti nakamotorsiklo rason a inulod ti taxi ti 50 a metro iti motorsiklo manipod kalsada agingga a naidungpar iti maysa a poste ti koryente pakairamanan iti maysa a izuzu elf nga adaan plaka a WMW 437 nga nakaparking iti maysa a pagtagilakwan ti lugan iti metlang ili t san nicolas partikular ti DBM car sale garage.
Gapo iti daytoy,naperdi iti sangwanan a paset ti taxi ken nabuong iti windshield na bayat nga iti motorsiklo ket naminpinsan a nawara nu sadinno nga agpapan ita ket saan pay a masinunuo ti balor iti naperdi gapo ti aksidente.
Mainaig iti daytoy, nakapasar met ti nakana a sugat dagiti nakamotorsiklo iti nagduduma a paset t bagi da ken driver iti Taxi ket nakapasar iti head injury a nakaitarayan da iti Mariano marcos memorial hospital and medical center iti ciudad ti batac ngem apaman nga maitartaray dagiti dua nga nakalugan ti motorsiklo ket pimmusay dagitoy basar iti attending physician a ni doc cheryl joy ballesteros bayat nga iti nakalubbon iti taxi ket saan a naanano.
Kinuna ni Santos a ti driver ti taxi ket agdama nga manarimaan iti panakataming na iti MMMH.
Inpakaamo pay ni Pol Maj. Santos nga Inarkila ni bareng ti taxi nga agawid iti ciudad t laoag manipod manila ngem bayat nga ada da iti ilocos sur ket naibaga ti taxi driver a makaturog ngem sinublat ni Bareng nga isu ti agdrive ti taxi.
Kamaudianan na, naamwan ti Pnp san nicolas nga ada ti impluwensiya ti nasanger iti dua nga nakalugan iti motorsiklo idi napasamak ti insidente.
