LAOAG CITY – Nagtalinaed iti Mariano Marcos Memorial Hospital and Medical Center idiay ciudad ti Batac ti biktima ti panagdinnungpar ti kurong-kurong ken kotse idiay ili ti Dingras.
Nabigbig daytoy a ni Samuel Bilan a residente iti Barangay Suyo iti nasao met laeng nga ili ken isu ti nangiturong ti kurong-kurong.
Segun kenni Police Senior Inspector Chris Anthony Sorsona, chief of police ti PNP-Dingras, na-miscalculate ni Bilan ti sumungad a kotse nga inturong met ti Indian national.
Inlawlawag na a bayat a dumalyasat ti kurong-kurong a mapan iti sabali a linya ti kalsada ket nadungpar ti sumungad a kotse rason ti nakasugatan ti rupa.
Kabayatanna, kuna ni Sorsano nga agdepende kadagiti driver ti kurong-kurong ken Innova no aregluwen da ti napasamak met a desgrasya iti sango ti INEC.
Immuna iti daytoy, kuna ni Sorsano a ti sumang-at ti Innova nga inturong ni Jomar Manuel idi kellaat a nagsardeng ti adda iti sangwanan na a lugan.
Gapo iti daytoy, ti sumarsaruno a kurong-kurong nga inturong met ni Mark John Lasug ken nadungpar na ti Innova.
Inbatad na a nagsagaba ti driver ti kurong-kurong ti sugat iti nagduduma a paset ti bagi na.
