LAOAG CITY – Natukkol dagiti dua a gurong ti maysa a babai kalpasan a nadungpar ti motorsiklo idi rabii.
Nabigbig ti biktima a ni Rebecca Canesa, agtawen ti 57, naasawaan ket taga Brgy. 54-B Camanggaan ditoy syudad ti Laoag idinto a ti nangiturong ti Honda wave nga aksidente a nakadungpar kenkuana ket ni Adelmar Ramos, agtawen ti 26 ket taga Brgy. 8 iti ili ti Sarrat.
Naitaray ti biktima iti Gov. Roque Ablan Sr. Memorial Hospital ditoy syudad ti Laoag.
Basar ti imbestigasyon, bumallasiw ni Canesa iti kalsada a paset iti nasao a barangay idi nadungpar daytoy ni Ramos nga agpalaod a direksiyon.
Malaksid ti panakatukkol ti dua a gurong ti biktima ket nasugatan pay ti ulo na.
Nagsagaba met ni Ramos ti gasgas iti nagduduma a paset ti bagi na.
Iti agdama ket adda ni Ramos iti kustudyar ti PNP Traffic Division