Iluko Version:
Dua a Konsehal ti ili ti Currimao, nagikkat
LAOAG CITY – Nakigtot ni Vice Mayor Chuck Lazo iti ili ti Currimao nga kalpasan a bigla a naglusolos dagiti dua a kameng ti Sangguniang Bayan ti ili da.
Binigbig ni Lazo dagiti a naglusolos a konsehal a da Sangguniang Bayan Member Dimetrio Quiriano ken Sangguniang Bayan Member Ricardo Pascua.
Segun ken ni Lazo, maibasar iti resignation letter ni Quitoriano ket nagikat gaapu ta awan kadwa ni pamilya idiay Manila ket idiayen nga agnaed idinto a ni Pascua ket gapu iti problema ti salun-at.
Kuna ni Lazo a nasdaaw daytoy kalpasan a naawat na dagiti resignation letter dagiti dua ngem awan ti maaramid da no saan nga iti mangaakseptar iti daytoy.
Kinuna na a maysa daytoy kadagiti pagsasaritaan da iti konseho iti daytoy a panagsession da.
Kabaytaan na, inpetteng pay ni Lazo a saan a napilit da Quitoriano ken Pascua a nag-resign a kas iti agwararas a damag.
Kinuna na nga awan ti kinaagpaysuanan na a napilitan da Quitoriano ken Pascua ti nagresign babaen iti mayor ngem ketdi no ania ti ammo na ket no ania ti nailanad iti resignation letter da.
Kuna na a no maipaggep ti resolosyon a nakailanadan ti pannakawaswas ti proyekto a reclamation ti Omnico ti rason a naglusolusan da ket awan ti ammo na gapu ta naaprubran metten daytoy ken maiyur-uray laeng ti aprubal ti Sangguniang Panlalawigan.
Inlawlawag ni Lazo a gapu ta saan met laengen a matuloytuloy ti nasao a proyekto ket addan nasurok a dua a tawen isu a winaswas da ti naao a resolosyon.
