LAOAG CITY – Isagsaganan ti PNP-Dingras ti reklamo a maipila kontra kada Jayson Putulan ken Arnold Lubong, agpada nga addaan ti umno a tawen ken residente iti Bgy. Cali iti ili Dingras.
Daytoy ket kalpasan a naduktalan da Ronald Leander Yapo, agtawen ti 32, naasawaan stockholder ti ESY-RB Agri Corp., ken residente iti Brgy. Caunayan, Batac City ken ni Aelene Calaoagan, agtawen ti 33, naasawaan, checker ti nasao a korporasyon ken residente ti Brgy. Cali iti ili a Dingras a da Putulan ken Lubong ti makin-aramid iti panagpukaw dagiti tagilako nga insektisidyo ken pestisidyo nga ag balor iti nasurok a 500 a ribo a pisos.
Iti palawag da Yapo ken Calaoagan iti cuerpo ti pulisya, nakita da iti CCTV footage a dagiti dua a katulong da iti nasao a negosyo ti simrek iti stock room ken nagbaggat ti dua a cartoon ken inluganda iti motorsiklo.
Segun iti PNP-Dingras, manamnama a ti ipila da reklamo kontra kada Putulan ken Lubong ket “theft” wenno panagtatakaw.
