LAOAG CITY – Nagtalinaed nga awanan ti puot dagiti dua a lallaki kalpasan a nadesgrasya iti paset ti Brgy. Nalvo, iti ili ti Pasuquin, Ilocos Norte.
Nabigbig ti maysa a biktima a ni Ruben Udaundo, agtawen ti 50, naasawaan, Tricycle driver, maysa a brgy. kagawad ken residente ti Brgy. Estancia iti nasao met laeng nga ili.
Iti panagimbestigar dagiti otoridad, nakidinnungpar ni Udaundo ti maysa a kurong-kurong nga inmaneho ni Ernie Calpito y Orque, agtawen ti 37, awanan ti asawa, mannalon ken residente ti Brgy. Carusikis iti nasao nga ili.
Naamoan nga agpaamyanan a direksyon ni Udaundo idi aksidente a nakidinnungpar na ti kurong-kurong a nasabat na.
Gapo iti daytoy, nagtalinaed nga awanan ti puut da gapo ti sinagaba da a nagduduma a sugat ti paset ti bagi da nangruna ti ulo ni Udaundo.
Iti agdama ket adda da iti gov. Roque Ablan Sr. Memorial Hospital ditoy ciudad ti Laoag.
