LAOAG CITY – Naidungpar ti tricycle a nagluganan dagiti dua a lallaki iti rangtay iti paset ti Batac-Banna road idiay ciudad ti Batac.
Binigbig ni SPO1 Darwin Quaoit, chief investigator ti traffic division ti ciudad ti Batac dagiti biktima a da Virginio Alibuyog ken Eduelito Salot.
Segun kenni Quaoit, napan nakipaala dagiti dua ken nakainom da ken idi agawid da ket mabalin a nakaturog ti driver rason a naidungpar da iti sangi ti rangtay.
Inbatad na a saan a naan-ano ti driver a ni Alibuyog ngem ti Salot ket angalen na ti agbaga na kalpasan a natennag iti waig.
Immuna iti daytoy, kuna ni Quaoit a ti ammo ni Salot ket saan a waig a naguneg ti 4 ft ti pakatinnagan na kalpasan a bimmaba manipud iti tricycle.
Mainaig iti daytoy, inlawlawag ni Quaoit a kas basar ti pammilin ni Police Chief Inspector Alan Emerson Duaz, ti chief of police ti PNP-Batac, amin a mairaman iti desgrasya a nakainom ket maikkan ti citation ticket.
