LAOAG CITY – Nasugsugatan dagiti dua a lallaki iti nagduduma a paset ti bagi da kalpasan a nadesgrasya da iti paset ti Brgy. #39, Pasiocan, Bacarra, Ilocos Norte.
Nabigbig dagitoy a da Harold Ventura, agtawen ti 21, single, tricycle driver ken residente ti Brgy. 38-A, Mangato ditoy ciudad ti Laoag ken ti nakalugan a maysa a menor de edad, estudyante ken residente ti Brgy. Davila, iti ili ti Pasuquin.
Segun ti imbestigasyon, agpaamyanan a direksyon ti tricycle iti nasao a paset ti kalsada ken maipagarop a napan iti sabali a linya ti driver.
Gapo iti daytoy, napukawan ti kontrol iti manibela ti driver ken naidungpar iti riprap.
Intaray met dagiti nagresponde a pulis dagiti biktima iti Governor Roque B Ablan Memorial Hospital ditoy ciudad ti Laoag para iti pannakataming da.
