LAOAG CITY – Nasugatan dagiti dua a lallaki kalpasan a naidungpar ti nagluganan da a motorsiklo iti maysa nga elf truck iti approach ti Gilbert Bridge, Brgy Nangalisan-A ditoy siudad ti Laoag.
Segun ti PNP Traffic division, napasamak ti insidente, pasado alas nuebe kinse idi rabii.
Nabigbig dagiti nasugatan a da Jeffrey Acosta Batuun, agtawen ti 29, naasawaan, nangiturong ti motorsiklo ken residente ti Brgy. 2 Nagsurot, Burgos, ken ti nakalubon a ni Mark Julius Estavillo, a taga Brgy. 10 Laoag city.
Iti inisyal nga imbestigasyon ti PNP traffic Division, nagU-turn ti
elf truck nga minaneho ni Jaser Acosta Manzano, agtawen ti 44, naasawaan ken residente ti Mangas, Alfonso, Cavite idi ta naidungpar ti motorsiklo nga agpaamyanan ti direksyon na.
Insegida a naitaray dagiti dua iti ospital.
Agtultuloy ti imbestigasyon dagiti otoridad kalpasan ti nasao nga insidente.
