LAOAG CITY – Natiliw dagiti dua nga akusado babaen ti bileg ti warrant of arrest nga inpatungpal ti PNP-Dingras.
Ummuna a naarestar ti agnagan ti Roderick Rosqueta y Duldulao, agtawen ti 43, naasawaan, residente idiay Sitio Nagmarkaan, Brgy. San Marcelino, Dingras ken sumangsango ti kaso nga Estafa.
Ti warrant of arrest ket inyetnag ni Hon. Judge Arvin Galacgac iti 5th Municipal Trial Court iti Dingras-Marcos a napetsaan ti Mayo 9, 2018.
Narekomendaran daytoy ti pyansa a 36 a ribo a pisos.
Kabayatanna, naaretar met ti agnagan ti Richie Alejo y Natividad, agtawen ti 31, construction worker ken residente iti Sitio Namnama, Brgy. Cali iti nasao nga ili.
Inyetnag met ni Hon. Judge Elmer Bernardo iti Municipal Trial Court in Cities idiay ciudad ti Batac a napetsaan ti Abril 27, 2018.
Daytoy ket gapo ti panaglabsing na iti Municipal Ordinance kalpasan a nagmaneho na a saan na nga intugot ti lisensya na.
Naaddaan met daytoy ti sangaribo a pisos a pyansa.
