LAOAG CITY – Tiniliw dagiti kameng ti PNP-Burgos dagiti dua a lallaki babaen ti bileg ti warrant of arrest idiay ili ti Burgos, Ilocos Norte.
Nabigbig dagitoy a da Marcelo Domingo, agtawen ti 61, naasawaan ken ni Wilson Garcia, agtawen ti 54, naasawaan, agpada a mannalon ken residente ti Brgy. Buduan iti nasao nga ili.
Naarestar dagitoy gapo ti panaglasalungasing da iti PD No. 705 wenno ti Forestry Reform Code of the Philippines.
Ti warrant of arrest ket inparuk-at ni Hon. Judge Conrado Ragucos iti RTC Branch 19 iti Bangui, Ilocos Norte.
Narekomendaran dagiti dua ti 40 a ribo a pisos a pyansa para ti temporaryo a pannakawaya-waya na.
Iti agdama ket nagtalinaed iti kustudiyar ti PNP-Burgos dagiti dua nga akusada ken maisagsaganan ti reklamo kontra kadakuada.
