LAOAG CITY – Kinumpirmaran ni Police Chief Inspector Artemio Clemente, ti chief of police iti Banna, Ilocos Norte ti pannakatiliw da kadagiti agtutupada iti igid ti karayan, Sitio Silang, Barangay Hilario iti nasao nga ili.
Kuna na a dua laeng dagiti natiliw da gapu ta dagiti dadduma ket nakataray da.
Binigbig na dagiti natiliw da nga isuda Rey Vincent Guillemro, agtawen ti 29, naasawaan ken ni Noelito Balata, agtawen ti 40, naasawaan ken agpada dagitoy a residente ti nasao a barangay.
Inbatad ni Clemente a nagkedked dagiti maseknan a nanginagan kadagiti kakadwa da.
Napilaan a dagus dagiti dua ti kaso ngem temporaryo da a nawaya-wayaan kalpasan a nakapagmulta da ti sag-30 ribo a pisos da.
