LAOAG CITY – Manamnama ti pannakaipila ita nga aldaw ti kaso kontra kadagiti dua a lallaki a natiliwan nga agsusugal iti minatayan idiay Brgy. 14, San Gregorio, idiay ili ti San Nicolas.
Nabigbig dagitoy a da Christiopher Agcaoili y Deus, agtawen ti 33, awanan ti asawa ken Gerald Casabay, agatawen ti 30, agpada a construction worker ken residente iti nasao a lugar.
Natiliw dagiti dua kalpasan a nagsusugal ti lucky 9 iti balay ti agnagan ti Jelly Bumanglag nga addaan ti nakamansayag nga agnagan ti Jake Bumanglag.
Gapo iti daytoy, nakumpiskar dagiti otoridad ti 300 a pisos ken playing cards.
