LAOAG CITY – Naisalakan ti bagbagi dagiti dua a mangngalap a taga Bgy. 32-A La Paz ditoy ciudad ti Laoag kalpasan nga inkarigatan da ti naglangoy kalpasan a napakbo ti naglugaganan da a bangka iti baybay a batog ti nasao a barangay.
Segun ken ni Dr. Melvin Manuel, mangidadaulo ti Search and Rescue Team ti ciudad ti Laoag, inkarigatan dagiti dua a mangngalap a saanan nga innaganan pay iti naglangoy iti kaadayo nga agarup tallo a kilometro manipud iti igid ti baybay tapno saan a malmes dagitoy.
Kuna na a napan nagkalap dagiti nasao a mangngalap ket idi ta masagang da dagiti dadakkel nga allon ti baybay rason a napakbo ti pagkalap da a demotor a bangka.
Iti agdama ket maikarkarigatan a maalaw ti bangka a nagluganan dagiti dua gapu ta kalpasan a napakbo ken tinalawaan dagiti dua ket naiyanod daytoy ken nakita iti paset ti batog ti Bgy. Caoacan ditoy ciudad ti laoag.
