LAOAG CITY – Manarimaan ti pannakaobserbar dagiti dua nga ub-ubing a biktima ti sakit a dengue idiay Vintar Ilocos Norte kalpasan a nakaruardan iti hospital.
Daytoy ti inbatad ni Sangguniang Bayan Member Dr. Maribel Albano, Chairman ti Committee on Health iti konseho ti nasao nga ili.
Kuna na a dagiti biktima ket agtawen ti 5 ken agtawen ti 6 nga agpadpada nga agbasbasa iti Vintar Central Elemenatry School ken agnaed idiay Brgy. Margaay ken Brgy. 5.
Kuna ni Albano nga insigida a binisita da ti eskuwela a pagbasbasaan dagiti biktima ket awan ti nakita da kas koma ti pilaw a mabalin a pagnaedan dagiti lamok.
Innayon ni Albano nga insigida a nangiwayat ti Commitee Meeting ket napagtutulagan a mangisayangkat da ti fogging ken misting.
