LAOAG CITY – Nasugsugatan ti dua a motorista kalpasan a nagdinnungpar ti dua a motorsiklo iti Airpory road ti Brgy. 51-B Nangalisan ditoy siudad ti Laoag.
Nabigbig dagiti lallaki a da Mark Leroy Calipotoc, agtawen ti 23, baro ken residente iti Brgy. Ragas iti ili ti Marcos ken ti agtawen ti 16 a residente ti Brgy 50 Buttong ditoy siudad ti Laoag.
Segun ti imbestigasyon ti PNP traffic division, agpalaud ti motorsiklo nga inturong ti menor de edad iti nasao a kalsada ket dita a nadungpar ti sumarsaruno a motorsiklo nga inturong ni Calipotoc.
Dagus a naitaray dagiti dua gapu ti sinagaba da a sugat iti bag-bagi da.
Naamuan nga awan ti linsensya a nagmaneho dagiti dua a lallaki.
