LAOAG CITY – Napilaan ti kaso ti dua nga agtagikua ti hardware ditoy probinsia gapu iti panaglabsing da iti Product standard Law.
Basar kenni Mr. Dominador Alberto, Senior Trade specialist iti Department of Trade and Industry (DTI) ditoy ciudad ti Laoag, maysa kadagiti napilaan ti kaso ket naduktalan nga awan ti markings ti lakoda nga angle bar idinto a ti maysa ket substandard ti lakona nga steel bar.
Inlawlawag ni Alberto a dagiti landok ket masapol nga adda ti markings na ken adda ti masurot a kalidad ti landok, kas ti kadakkel, kadagsen, ken kaatiddogna.
Inbaga na a nasurok 100 a hardwares ti binisitada ditoy probinsia iti maikadwa a quarter ita tawen ngem ti laeng dua nga hardware ti naglabsing iti Product standard Law.
Malaksid kadagiti construction supplies ket naiyuswat pay ti inspection kadagiti nagduduma a pagtagilakoan kadagiti appliances, tugtugaw, lamisaan, lighters ken dadduma pay.
