LAOAG CITY – Inbatad ni PMaj. Joseph Tayaban a dua nga indibidual a maibilang nga APOR wenno Authorized Person Outside Residence dagiti naticketan gapu iti panaglabsing ti covid-19 protocols.
Kuna na a dagiti naticketan ket maysa a negosyante ken ti driver na ken naggapo dagitoy iti Sampalocc, Manila.
Inlawlawag ni Tayaban a basar iti nakailanad iti exit ken entrace pass dagiti maseknan ket mapanda iti DPWH tapno agdeliver.
Nu pay kasta, naamoan babaen kadagiti kameng ti PNP-San Nicolas a nagturong dagitoy iti Department of Foreign Affairs (DFA) iti nasao nga ili nu pay awan ti appointment da rason a nasita dagitoy.
Kuna ni Tayaban a kompleto ti dokumento dagiti maseknan ken negatibo dagitoy iti RT-PCR test.
Kabayatanna, inpetteng na a maikanniwas iti linteg ti agturong iti maysa a pasdek wenno lugar a saan a naikada iti border checkpoint wenno panaglabsing iti no appointment no entry protocol.
Inpakaammo ni Tayaban a nagmulta dagiti dua ti sag-1,500 a pisos.
Iti agdama, kuna ti hepe nga atultuloy ti panagbantay dagiti otoridad iti border checkpoint kangrunaan kadagiti maipawil pay laeng a sumrek partikular dagiti ROFs ken LSIs.
