LAOAG CITY – Agtultuloy ti imbestigasyon dagiti kameng ti PNP San Nicolas babaen ti panagreview da kadagiti nakamuntar a CCTV camera iti asideg ti nakapasamakan ti hit and run incident iti Josefa Llanes Escoda road iti Brgy. 24 iti nasao nga ili.
Segun kenni Police Major Joseph Baltazar, hepe iti nasao nga ili, maipagarup a maysa a pick up ti nangdungpar ti tricycle a nakaparada iti igid ti kalsada ngem saan pay a madeterminar no ania ti pakabigbigan ti nangdungpar kadagiti biktima.
Dagiti nasugatan iti insidente ket dua nga estudyante a residente iti Brgy. 24 iti nasao nga ili ken ti tricycle driver ket taga Brgy. 11 iti nasao nga ili.
Iti agdama, nakarwaren dagiti dua a biktima iti ospital idinto a saan pay a nakarwar ti maysa a kadwada kalpasan ti pannakaitaray dagitoy iti ospital gapu iti sinagaba da a sugat kalpasan a nagbaliktanagbaliktad ti nagluganan da a tricycle.
