LAOAG CITY – Natiliw dagiti dua nga indibidual kalpasan a nakompiskar ti acacia lumber iti Brgy. Caraitan iti ili ti Badoc.
Segun kenni Police Major Joseph Tayaban ti hepe ti Philippine National Police iti ili ti Badoc bayat iti maisaysangaykat a check-point ket ditoy a natiliw dagiti dua nga indibidual.
Nabigbig dagiti dua a da Mark agtawen ti 35 naasawaan , maysa a karpintero ken residente iti Brgy. Parang Badoc kenni Jay agtawen ti 34, maysa a construction worker ken residente iti Brgy. Sabangan Sinait, Ilocos Sur .
Basar iti imbestigasion ti Philippine National Police iti ili ti Badoc, bayat nga ibiyahe dagiti suspek ti acacia lumber nga usar iti Black Honda TMX 125 kurong-kurong ket ditoy a sinada dagiti kameng ti Philippine National Police dagitoy ken dinawatanda ida ti papeles.
Mainaig iti daytoy , 14 amin a bilang dagiti acacia lumber nga addan iti nagduduma nga kaatiddog a nakumpiskar kada kuada .
GApu iti daytoy, makibinnulig met ti Philippine National Police iti ili ti Badoc ti naan-anay a koordinasion ti Provincial Environment and Natural Resources Officer Department of Environment and Natural Resources para iti naananay nga imbestigasion daytoy nga isyu.
Kabayatanna, nagtalinaed pay laeng iti kustodiar ti Philippine National Police iti ili ti Badoc dagiti nakompiskar nga acacia lumber.
