LAOAG CITY – Nagdinunngpar ti dua a motorsiklo iti sanguanan ti Saint Santiago School Foundation Incorporated iti paset ti Brgy. #12, San Isidro ditoy ciudad ti Laoag.
Segun ken ni Police Corporal Aldrin Ramil, duty investigator ti PNP Laoag Traffic Division, bayat nga agpaamianan ti motorsiklo a Kawasaki Furry ket dita a kellaat a simmalpot ti nangiturong ti Yamaha MiO nga agturong met iti abagatan.
Kuna na a basar iti imbestigasyon, mapapati a naggapo ti Yamaha MiO iti Ili ti Bacarra idinto a ti Kawasaki Furry ket naggapo iti maysa a paggatangan ti motor parts.
Gapu iti desgrasya ket agpada a nagsagaba ti sugat dagiti dua a driver.
Dagos a naitaray dagitoy iti Gov. Roque Ablan Sr. Memorial Hospital ken manamnama a maipadalan iti CT Scan t nangiturong ti MiO.
Agpapan a maisursurat ti damag ket manamnama a rumuar met laeng iti ospital ti driver ti Kawasaki.
Naamoan a ti driver ti Yamaha MiO ket adda iti impluwensya ti nasanger idi napasamak ti aksidente.
