LAOAG CITY – Dua nga indibidual nga adda ti pakainaigan na iti 60 million a pisos a financial fraud scam naarestar dagiti otoridad ditoy probinsya.
Daytoy ti inpakaammo ni PMaj. Jephre taccad, ti pannakangiwat ti Ilocos Norte Police Provincial Office.
Kuna ni Taccad nga agpada a nakemmeg dagiti suspek a nabigbig nga agtawen ti 23, awanan asawa ken trabaho, residente iti Paliparan 1, Dasmariñas, Cavite ken ti nabigbig a CG iti Brgy. 44 Zamboanga ditoy siudad ti Laoag.
Segun ken ni Taccad, naarestar dagiti suspek babaen iti bileg ti Warrant of Arrest nga inisyu ni Hon. Richard A. Paradeza, Presiding Judge iti RTC Branch 72, Olongapo City, Zambales ken napetsaan ti Pebrero 10, 2023 gapu iti 10 a counts ti Other Forms of Swindling iti RPC Art. 316 kas naamyendaran iti PD 1689 ken adda ti pakainaigan na iti R.A. NO.10175 wenno Cybercrime Prevention Act of 2012.
Inpakaammo ni Taccad a nagtalinaed iti PNP-Laoag dagiti suspek ken narekomendaran dagitoy ti 756,000 pisos a piyansa para iti temporary a pannakawaya-waya da.
Kabayatanna, kuna na a manarimaan ti imbestigasyon kadagiti dadduma pay na akbidad dagiti suspek ken tapno maamoan nu adda ti nagbalin a biktima dagitoy ditoy probinsya.
Naamoan a ti wagas iti panag-scam dagiti suspek ket babaen iti online selling.
