LAOAG CITY – Inpakaammo ni P/Cpt Roi Manuel Ordonio, chief of police iti Philippine National Police iti ili ti Vintar a balligi a naarestar dagiti dua nga indibidual kalpasan ti pannakaiwayat ti Anti-Illegal Quarry Operation iti Brgy. San Ramon iti nasao nga ili.
Nabigbig dagiti naarestar a da Air Jhons Dacuycuy, addaan iti umno a tawen, residente iti Brgy. S9 Picao Sur iti ili ti Currimao ken ti driver ti Dum-truck a kukua ti BJMJB Construction and Supply a ni Mr Juno Bienvenido Marapaoat nga taga-Road Cogeo Village, Bagong Nayon, Antipolo City.
Inbatadna a babaen ti superbision ni P/Col Frederick Obar, Provincial Director iti Ilocos Norte Police Provincial Office nga indauloan ti Philippine National Police iti ili ti Vintar ken pakairamanan ti Municipal Environment Natural Resources Office ket nangiwayat ti Anti-Illegal Quarry Operation iti nasao a lugar a nagresulta iti pannakatiliw ti maysa a Dum Truck (10 wheeler) bayat ti pannangisayangkatda iti illegal quarrying iti nasao a lugar.
Kabayatanna, dagiti nasao a drivers ket na-issue-an ti citation ticket kas panaglabsing of No Flaglets.
Iti agama, nagballag ni Ordonio kadagiti umili nga agtultuloy iti panang-monitorda kadagiti indibidual a mangiwaywayat ti Illegal Quarrying iti ili ti Vintar.
