LAOAG CITY – Balligi a naisalakan dagiti dua nga indibidual a na-stranded iti Gasgas River iti ili ti Solsona babaen dagiti kameng ti Municipal Disaster Risk Reduction and Management Office (MDRRMO) iti nasao nga ili.
Segun ken Mr. John Rey Loyola iti Municipal Disaster Risk Reduction and Management Office iti ili ti Solsona, napan nagdidigus dagiti dua ngem saan da napuotan a dimmakkel ti danom iti karayan a nangitunda ti pannaka-stranded da.
Nabigbig dagiti dua a da Stephen Silva residente iti Barangay Putao, iti ili ti Solsona idinto a ti maysa ket ni Ernest Philip Santos, residente iti Sitio Malacañang iti ili ti Sarrat, agpada nga agtawen ti 23.
Kuna ni Loyola, apaman naireport iti opisinada ti insidente ket insigidda met a nagresponde.
Naamuan a saan unay a naadalem ti karayan ngem naapres ti danom.
Saan met naan-anu dagiti dua ken napan metten intulnog ti team tay taga-Solsona.
Kabayatanna, nagballaag ni De Lara iti publiko a no makita a dakkel ken naapres ti danom ket saanen a gandaten pay rti mapan agpipiknik wenno agdidigus.
