LAOAG CITY – Naiyisoan ti ticket ti dua a driver gapu iti panaglabsing da iti provincial ordinance kalpasan a nagiserrek da ti baboy ditoy probinsya nga awan ti umiso a dokumento da.
Immuna iti daytoy, nakaawat ti gobierno lokal iti ili ti Pagudpud ti report nga adda ti maipagarop a nagiserrek ti baboy iti nadakamat nga ili isut gapu na a nakikoordinar da a dagus iti Philippine National Police.
Iti panagresponde dagiti otoridad ket nakita da ti maysa nga Isuzu Elf truck nga agmaris ti puraw nga inturong ni Roland Rona Yuson, agtawen ti 53, ken residente iti Doña Alicia, Barangay IV (POB.), San Mateo, Isabel a nangiyakar kadagiti 19 a baboy iti agmaris ti puraw nga Isuzu 10 wheeler wing van nga inturong met ni Eric Retuta Dela Cruz, agtawen ti 48 ken residente iti San Mariano, Santa Marcela, Apayao, kadwa na ni Allen Abad y Calegan, agtawen ti 41, awanan asawa, hog trader, ken residente ti Brgy. Old Centro Proper, San Mateo Isabela.
Awan ti naipakita a permit wenno clearance a mabalin da ti agiserrek ti baboy dagiti maseknan ditoy probinsya isut gapuna a napatawan dagitoy ti multa.
