LAOAG CITY – Nagtalinaed pay laeng iti ospital dagiti dua a karaman iti desgrasya a napasamak iti National highway a sakopen ti Barangay Masiquil iti ili ti Bangui.
Segun kenni Police Major Ramil Llaranes, ti chief of police ti PNP-Bangui, nakaawat da ti tawag nga adda ti napasamak a desgrasya rason a dagus da a nagresponde kadua da dagiti kameng ti Rural Health Unit.
Inlawlawag na a basar iti naala a video, ti Yamaha Sporty nga inturong ti menor de edad ken adda ti kinalubbon na a babai nga agtawen ti 37 ket sumarsaruno iti maysa a van idinto kellaat a napan iti south lane rason a nadungpar ti Kawasaki.
Gapo iti daytoy, nagsagaba ti sugat iti ulo ti babai a lubbon ken ti driver ti Kawasaki ken naiataray da iti Bangui District Hospital ngem naiyakar da iti ospital ditoy ciudad ti Laoag.
Kunana a rumrumuar iti imbestigasyon da a ti adda ti basol na iti napasamak ket ti menor de edad, malaksid nga awan pay ti suot na da nga helmet ken awan ti lisensya na nga agmaneho.
Naamoan a dagus met laeng a nagarwar iti ospital ti menor de edad ken napaayaban dagiti guardian na gapo ta naipalubos nga agiturong ti motorsiklo.
Kabayatanna, nagpalagip ni Llaranes iti publiko a no agmaneho ket masapol a kumpleto ti protective gear ken no adda iti impluwensya ti nasanger ket saanen nga agiturong ti anyaman a klase ti behikulo.
