LAOAG CITY – Agpada a nagsagaba ti sugat dagiti driver ti tricycle ken motorsiklo kalpasan ti napasamak a desgrasya iti paset ti gilbert bridge ditoy siudad ti Laoag.
Basar iti report ti PNP ditoy siudad, agtawen ti 24 ti nangiturong ti motorsiklo ken residente iti Brgy. 27 ditoy siudad idinto nga agtawen ti 47 ti nangiturong ti tricyle ke residente met iti Brgy. San Pedro ditoy siudad.
Iti imbestigasyon ti kapulisan, bayat nga agpapaabagatan ti motorsiklo ket nag-overtake ti tricycle nga agturong iti kapada a direksyon ken dita a nadungpar na daytoy.
Gapu iti daytoy, agpada a nagsagaba ti sugat dagiti dua a driver ken naiturong iti balay pagagasan.
Naamoan nga adda iti impluwensya ti nasanger ti driver ti tricycle idi napasamak ti insidente.
