LAOAG CITY – Natay ti dua nga indibidual idinto a 35 a sabsabali dagiti nasugatan kalpasan a timmama ti dua a glide bombs ti Russian forces iti tiendaan iti ciudad ti Kharkiv idiay northern Ukraine.
Inbatad ni Ukrainian President Volodymyr Zelensky nga adda ti agarop 200 a tattao iti uneg ti tiendaan idi napasamak ti insidente.
Inpetteng ni Zelensky a ti sabali manen nga strike iti Kharkiv ket mangiparangarang iti kinamauyong ti Russia.
Inpaganetget ti Ukrainian President a dagiti laeng mauyong a tattao ti kabaelan na ti pumatay ken rumaot kadagiti awan ti gawayna nga indibidual.
