LAOAG CITY – Dua nga indibidual ti kumpirmado a natay iti napasamak a landslide iti Welcome Bay iti east coast idiay New Zealand.
Inpeksa ni New Zealand Prime Minister Christopher Luxon ti panagladladingit ti pagilian da kalpasan ti trahedya nga intunda ti sumagmamano nga aldaw a pinagtudo na ti napigsa a buyugan ti napigsa nga angin.
Malaksid iti napasamak a landslide iti Welcome bay ket adda pay ti panagreggaay ti daga iti campground iti tourist hotspot iti Mount Maunganui a nagresulta ti panagpukaw ti sumagmamano nga indibidual.
Inbatad dagiti rescue workers nga awanen ti pagilasinan nga adda pay dagiti sibibiag nga indibidual iti campsite.
Inpasigurado dagiti opisyal idiay New Zealand nga agtultuloy latta ti search operations.
Mainaig iti daytoy, napan binista ni Prime Minister Chris Luxon dagiti lugar a naapektaran ti kalamidad.
