LAOAG CITY – Dua nga indibidual ti natay idinto a walo a sabsabali dagiti nasugatan ken kritikal ti kondisyon da kalpasan ti napasamak a pammaltog iti Brown University iti Rhode Island.
Basar iti report, addan iti stable a kasasaad iti ospital dagiti nasugatan ngem nagballaag ni Providence Mayor Brett Smiley a possible a manayunan pay ti bilang dagiti casualties.
Nagtalinaed met a nawaya ti suspek a maysa a lalaki ken nagarwat ti paspasig a nangisit idi inpatungpal na ti dakes a panggepna.
Ti Brown University ket masarakan iti College Hill iti Providence a kabisera ti Rhode Island.
Naamoan a ti unibersidad ket addaan ti ginasut a pasdek, pakairamanan ti lecture halls, laboratories ken dormitories.
Iti agdama, agtultuloy ti imbestigasyon ti Federal Bureau of Investigation ken dadduma nga US federal officials iti insidente.
