LAOAG CITY – Dua nga indibidual ti natay idinto a 18 a sabsabali pay dagiti nasugatan kalpasan a nagswek ti bassit nga eroplano iti maysa a pasdek iti Fullerton, California.
Nangitunda ti uram ti panagswek ti eroplano ken nadadael ti maysa a bodega nga ayan dagiti makina a pagdait ken dagiti tela.
Saan pay a masinunuo no ania a klase ti eroplano ken no dagiti nasugatan ket adda da metlaeng a mismo iti uneg na wenno adda da iti daga a nagdissoan na.
Basar iti security camera, naipakita ti panagswek ti eroplano iti asideg ti Fullerton Municipal Airport.
