LAOAG CITY – Natay ti dua nga staff ti Israeli Embassy iti napasamak a pammaltog iti ruwar ti Jewish museum iti Washington, D.C.
Segun ken ni Metropolitan Police Department chief Pamela Smith, addan iti kustodiyar da ti suspek iti krimen.
Nabigbig ti suspek a ni Elias Rodriguez, agtawen ti 30 ken taga Chicago.
Iti preliminary investigation, rumuar koman dagiti biktima manipod iti maysa nga aktibidad iti Capitol Jewish Museum iti napasamak ti pammaltog.
Mamati dagiti otoridad nga awan ti kakunsabo ti suspek ken agmaymaysa laeng daytoy idi inpatungpal na ti krimen.
Naamoan a sakbay ti krimen ket nakita ti suspek nga umar-arubayan iti ruwar ti museum.
Innayon ni Smith nga inpukpukkaw ti suspek dagiti sarita a “Free Free Palestine” kabayatan nga adda iti kustodiyar da.
Kabayatanna, kinumpirmaran ni Israeli Ambassador to the US Yechiel Leiter, a dagiti pimmusay a dua nga staff members ket young couple no sadinno a naituding nga ag-propose ti lalaki iti sumaruno a lawas iti Jerusalem.
Indanun a dagus ni US President Donald Tump ti pannakipagladingit na iti pamilya ti dua a pimmusay nga Israeli Embassy staff.
