LAOAG CITY – Temporaryo a pinaserraan ti Bureau of Internal Revenue (BIR) ti dua a pasdek panganan ni Mr. Rafael Medina partikular iti comedor ni rafael iti Brgy. 51-A Nangalisan ken Rafael’s Garlic and Grills Chicken Eatery sa Bgry. 19 ditoy ciudad ti Laoag.
Daytoy ket gapo ti panaglabsing na iti BIR code wenno ti saan a panangited ti resibo kadagiti customers.
Inserbi a mismo ni Atty. Jose Edimar Jaen, district revenue officer iti BIR ditoy probinsya ti closure order.
Segun kenni Atty. Jaen, naduktalan da daytoy babaen ti panagipulong ti maysa a concern citizen ken ti inyuswat da a surveillance.
Naamoan a no saan a saan a dumawat ti customers ti resibo ket saan met a mangted ti pasdek panganan.
Mainaig iti daytoy, inlawlawag ni Jaen nga amin a VAT registered tax payers ket nasken a mangi-isyu ti resibo.
Ti nasao a closure order let inparuk-at ni BIR commissioner Cesar Dulay kas paset ti Oplan Kandado nga ipatpatungpal ti ahensya.
