LAOAG CITY – Nagpanawagan ti City Health Services Office (CHSO) ti Baguio iti publiko nga agannad kalpasan a nakumpirmaran ti dua a baro a kaso ti monkeypox (mpox) iti nasao a siudad.
Naammoan a dagiti pasiente ket agtawen ti 21 a lalaki ken maysa nga agtawen ti 21 a babai ket awan ti koneksion iti dua nga immuna a kaso idi Enero.
Nagpakonsultar ti dua iti ospital, naalaanda ti sample manipud kadagiti sugat iti kudilda.
Ti panangtingiting ti Research Institute for Tropical Medicine (RITM) idiay Muntinlupa City ket nakumpirmaran a positibo dagitoy iti monkeypox nga addaan ti Clade II strain a saan unay a nakaro ken kapada kadagiti immuna a kaso.
Iti agdama, manarimaan a naka-home isolation dagiti pasiente ken agtultuloy nga imonmonitor dagiti doktor.
Kabayatanna, naabisoan dagiti nakalangen-langenda nga awanan ti sintomas nga ag-self-isolate ken obsarbaren ti salun-atda iti uneg ti 21 nga aldaw.
