LAOAG CITY – Dua a residente idiay Dingras, Ilocos Norte ti nagbalin a biktima ti paputok idi kalman.
Nabigbig dagitoy a da Bernadette May Gallegos, agtawen ti 21, maysa a mangisursuro, taga Barangay Sulquiano, Dingras, Ilocos Norte ken ni Jayson Perosca, residente met laeng ti nasao nga ili.
Segun ti PNP, bayat ti panangig-iggem ni Perosca ti stick ti skyrocket ket kellaat lattan a nagbettak a nangitunda ti pannakasugat ti akin-kannigid a dakulap na.
Kabayatanna, bayat met nga agtaktakder ni Gallegos ti sango ti balay da ket adda ti nagbettak nga skyrocket a saanna nga ammo no naggapwan na a nakatamaan ti akin-kannawan a saka na.
Iti agdama, agtultuloy ti imbestigasyon dagiti otoridad seknan ti nasao a pasamak.
