BOMBO LAOAG – Narekobre ti maysa a plastic bag a nakaipalaunan iti dua a maipagarop a rifle grenade idiay Barangay Caraitan Badoc, Ilocos Norte.
Segun ti PNP-Badoc, bayat a magmagna ti maysa a menor de edad iti barangay road ket nakita na ti nasao a plastic.
Inpakaammo na a dagus daytoy iti biang ti PNP ket dagus met a nagresponde ti Explosive Ordinance Division iti lugar a nakakitaan ti menor de edad ti plastic a maipagarop a nakaipalaunan ti dua a rifle grenade.
Iti agdama, addan iti biang ti Ilocos Norte Police Provincial Office (INPPO) dagiti maipagarop a dua a rifle grenade.
